Sami Chambeh

1 y

لازم تفهمو كلمة " راني تعبت "
كي تسمع انسان ديما يقلك ( راني تعبت ) و الا ( راني تاعب ) ماهوش يقصد الي هو ناقص نوم و الا تاعب في بدنو و الا يحب يرقد .. تعبت معنتها معادش عندي طاقة باش نتحمل..معادش عندي طاقة باش نعارك و ناقش و نفسر و نلوم ونحكي.. معادش عندي طاقة حتى بش نلز روحي باش نتبسم ..
تعبت معنتها معادش انجم نقبل طاقة سلبية معنتها راني في أضعف حالاتي و ممكن كلمة شبي وجهك أصفر تخليك تبكي يومين و ماكش فاهم علاش و الا شنوة سبب الي يبكي فيك !!
تعبت معنتها البارح نجم ندهم على جبل بقادومة.. اليوم معنديش الطاقة حتى باش نفيق و نقابل الناس ..
تعبت معنتها ما تقوليش برة ارقد ارتاح !! راحتي موش فالنوم راحتي كي نلقى شكون يعطيني طاقة ايجابية..راحتي في ميساج منغير سبب ، في إهتمام زايد ، في كلمة طيبة ، في دعوة مالقلب .. تعبت معنتها هاك الصوت الي داخلك الي يقلك فيق و عمل على ربي و الحياة حلوة و إضحك و العب و اخرج و تفرهد و طيب و كول و اشرب و حل تلفزة تفرج على حاجة و اشري و كنكتي و احكي مع صحابك و احكي مع الي يحبوك.... اليوم يقلك سكر التلفون و سكر على روحك البيت و ابعد عالناس الكل و مصاب راك جيت في جزيرة مطيش وحدك ما ترى حد و ما يقلقك حد شبيك و ما فماش حاجة ملزوم عليك تعملها و سكر عينك ماعادش تحلها..
تعبت معنتها فما 1000 حكاية و حكاية في مخي و ألف احساس و احساس و ألف فكرة و ألف صوت و ألف تنهيدة و حرب و قنابل و موت و صراعات في داخلي و كي تسألني نتخنق و نقلك ما فما شيء و الا لا لباس ..
الي تاعب ماهوش يستنى منكم باش تقولو على ربي و الا تي هانا الكل كيف كيف.. الي تاعب ماهوش يستنى باش تقولو برة ارقد.. الي تاعب ماهوش يستنى في كلمة الله غالب و هاذيكا دنيا .. و الي تاعب خاصة ماهوش يستنى في كلمة شبيك منكد و شبيك ديما فاد منغير سبب ..خاطر هو ما وصل للحالة هاكي كان راهو تعب و ما لقاش القوة باش يرجع كيما قبل ..
___

Mi piace

Commento