الحصة التدريبية الأولى للمدرب miguel cardoso مع الترجي الرياضي التونسي 🇧🇪⚽

اللاعب yan sasse من تدريبات اليوم 😁 🇩🇪⚽

جمهور الترجي عامل كيف على كل شي صار في النهارين هاذم.. الابقاء على طارق ثابت في الترجي انسان نظيف و ولد الترجي بش يخدمها بقلب من المنصب متاعو..
و مدرب اجنبي يتابع في الفريق لمدة شهرين و يعرف ما لنا و ما علينا و بنسبة ليه تدريب الترجي تحدي ليه في شخصه و عندو des objectifs يحب يحققهم..
الخدمة بعيدا على الشوشرة و النقد و التنبير تساهم في نتائج ممتازة و هذا لي بش نشوفوه باذن الله..
الادارة عملت لي عليها و رضخت لمطالب الجماهير و لو بعد حين.. لي قعد توة عند الجمهور التشجيع في البارك في الستاد زيادة في عدد الابونمونات و الدزان مع الفريق لاخر رمق لتحقيق الأهداف المنشودة و اولها مشاركة في كأس العالم للاندية تطير بينا ل palier آخر..
الترجي حاجة قادرة تبدلك ال mood و تحسنلك نهارك خاصة كي تبدا لاباس و ان شاء الله ديما نكونوا لاباس و نوصلوا وين نحبوا 🔴🟡⚫

بداية موفقة في سنة 2024 🏆 و إن شاء الله مزال برشا ألقاب يستناو فينا 🇧🇪✊

المدرب Miguel Cardoso خلال الندوة الصحفية :

وقت درب الترجي و ما تخممش في الربح أبقى في الدار خير .

جماهير الترجي بشكل عام و ال curva sud بشكل خاص ، تمثل قوة حقيقية و تعتبر الداعم الأساسي للنادي .

حكيت مع الإدارة على كل شي و الهدف هو التتويج بالألقاب .

دوري أبطال إفريقيا يمثل تحدي خاص بالنسبة ليا .