■ من التراث
■ قصيدة ناي داي لا تقدر جمال تقلّه قصيدة قديمة جدا حدثت في القواسم (فرع من قبيلة السواسي)من ولاية المهدية و قد قالتها امرأة و هي تغني عندما كانت تدير الرحى إثر قدوم عمها لزيارة إبنه اي زوج المرأة هذه . فكانت المرأة على قدر من الحياء لتخبر عمها (والد زوجها) بأنها و رغم مرور 9 سنوات إلا أنها مازالت عذراء فكانت تغني هذه القصيدة لعل عمها يفهما و كان عمها فطن و فهم مقصودها و أرجع عليها بيتي شعر لمغادرة منزل زوجها فقال العم و في رواية اخرى اخيها:
يحرم عليه معاشـــــــــــــــــــــــــك *** وبحرم عليه النوم فوق فراشك
هاهو الجمل هزّي عليه قشاشك ***وناي زرعي حمر ما جاب حتى حلّة
■ هذا نص القصيدة:
ناي داي لا تقدر جمال تقلّـــة *** سحن كبدتي تسعه سنين بالهلّـــة
------------
لا يقدراشي غيــــــــــــــري *** ولا يقدرا فارس قليد نويري
ناي داي في المكنون سيف دزيري *** مرحي جديد ما فيه حّى فلّة
------------
لا بقدروه لواتـــــــــــــــــــــا *** ولا يقدرا بابور بقلاعاتا
ما تقدرا كان فاطمة لقهراتــــا *** نظيف العضا مبروم روس الخلّة
-------------
لا بقدروه طوايــــــــــــــــف *** ولا يقدرا نجع المحشّد خايف
ناي داي في المكنون صيفه صابف *** والناس ترتع في الربيع بكله
-------------
لا يقدراشي بــــــــــــــــاشـــــــا *** ولا يقدرا حاكم ولا شوّاشة
ناي داي في المكنون كما الفتاشة *** تلوج على عرق الحيي و تسلّه
-------------
لا يقدروه جرابــــــــــــــا *** ولا يقدراشي بعير شالخ نابه
ناي يا لخوة جرالي كما المرا الندّابة*** على خواتها لثنين صاروا لله
-------------
لا يقـــدروه بـــــعايــــــــــر *** ولا يقدرا فرق الحمام الطاير
ناي يا خويا نحدثك بالصاير *** وقفل بلا مفتاح واش يحلّه
------------
لا يقدروه قـــــــــــــــــواسم *** ولا يقدرا دلّال سوقه راسم
بصعب على ضراري يضربوا بالصاشم *** رباية دلال ما يحملوش الذلّة
●قالها خوها او عمها حسب الروايات :
يحرم عليه معاشـــــــــــــــــــــــــك *** وبحرم عليه النوم فوق فراشك
هاهو الجمل هزّي عليه قشاشك ***وناي زرعي حمر ما جاب حتى حلّة
ناي : أنا
داي : مرضي و علتي (دائي)
