السلام عليكم يا جماعة 💐
من بعد التحديث الأخير في الموقع ، وإلي مشكورة الإدارة عليه ، وإلي رفع من عدد نقاط المنشور لخمسين نقطة شأنها شأن الرياكت ، أظن أنه ما عادش فمة حجة للبعض إلي يكتفوا إنهم يدخلوا " يجمجموا " كهو ؛ يعني ناس تعطي من وقتها وتتحرّك وتخدم ، وناس أخرى تدخل كل ثلاثة وأربعة سوايع فقط يلمّوا آش كتب من ربي مالجامات ويذوبوا ...
أنا شخصيا ، رغم أني جديد في السيت ، لاحظت إنو فمة ناس ما نراهم كان في النوتيفيكاسيون عاملين جام كهو ، ناقص كان باش يعملولي جام عالفريجيدار في الدار دون أن نشوفوا منهم ولا منشور . هذا موش باهي ويندرج ضمن الإنتهازية والإستغلال ودفعني لأحيان باش نعملهم بلوك لأنو موش مليح التعايش مع الإنتهازية والإستغلال .
من مصلحتنا الناس الكل إنا نتفاعلوا مع بعضنا في السيت ونحاولوا نكبّروه خاطر هذا باش يعود بالفايدة على الجميع ؛ السيت يتحسن ويتقدم والناس الكل تستفاد . موش ناس تخدم وتبذل في مجهود وناس تكتفي أنها تمركي نهارها على ظهوراتهم دون بذل أدنى مجهود ...
عالعموم الله يهدي