فما شكون تقدّملو قهوة يقلّك :
" عيشك ، والله لا يشقيك "
وواحد آخر يقلّك "علاش ناقصة سكر ؟ " ..
فما شكون كي تهديلو هديه يقلّك :
"يعيشك ويفرّحك كيف تفكّرتني " ..
و فما شكون يقلّك :
"عندي ما خير منها ببرشا " ..
ولا ميشكركش جملة وكأنه حق مكتسب
فمّا شكون في مشكلة حتى بسيطة يقلك : "عمري لا ريت نهار حلو معاك " ويستغل الفرصه باش يذكرك بالخايب اللي فيك ..
وفما شكون رغم كبر المشكل يقلّك:
"مشكلتنا ولازمها تتفضّ ، في خاطر الحلو الي عشتو معاك " ...
الناس نوعين :
النوع الاول عينيهم ترى الحاجات الحلوّة اللي تصير في كل موقف و يقدّروا الظروف والضغط اللي انت فيه، ويحاولوا يخلّيوك فرحان باللي يقدروا عليه .. و انت في المقابل لو تلقى تهديلهم نجمة مالسماء و تحس روحك ديما مقصر معاهم ..
و النوع الثاني اللي لو كان تشعّل صوابعك شمع ديما يراوك مقصّر معاهم و عينيهم ما ترى كان الحاجات الخايبة
تقعد عمرك تفسررلهم وتبرللهم
لينك يستنزفوك طاقيا
..
وتلقى روحك ما عادش عينك حتى باش تراهم وتتعامل معاهم .. .. !
اختار مع شكون تحب تكون