إذا كليت ماء وملح مع حد ما تخونش، وإذا عاشرت عاشر على قنطرة صحيحة، وإذا صاحبت ما تسبّقش لخنن...
وإذا غلطت مافيها باس تعتذر مناش ملايكة، وموش أناني كلّ شيء يوفى والمـــــوت في راس النهج...
ما تكثرش مالعسل يمساط وما تخدمش مخّك على الناس، ما عاد حد سيدي تاتا...
ومرة عندي ومرة عندك، الأحمال ريش كي تهزها برشه يدين...
كي يحكيولك بالخايب على حد معاشرو، ما تصدقش وما تبيعش بالرّخيص... وإلي يبرّرلك متكبشش ويكون قلبك أكحل ... و ما تطعنوش كالعدوّ.. وإلي شعّلك صوابعو شمع ما تكونش نذل معاه...
وإلي ودّك ودّو...
راهي المحبّة كي الزريعة تبذر...
وكي تحكي أوزن كلامك، برشة كلام يجرح كي اللّام...