السؤال هذا مهم جدا كيف ماذكرت قبل! الهدف منه مش أعطينا بركة نقولوا الّي القرطاجيين هوما الي بناو الحنايا و نحاولوا بالسيف ننسبولهم إنجازات خاطيتهم! لا، السؤال أعمق بكثير، يخلينا نراجعوا تاريخنا و أعمال المؤرخين، مش القدماء فقط، بل أيضا المعاصرين. تعرفوا شمعناها كان بلحق الحنايا هي إنجاز قرطاجي و تم نسبه للرومان؟ معناها قاعدين نحققوا في أهداف أعضاء مجلس الشيوخ الروماني و أولهم كاتو الأكبر، إلي أكد على ضرورة تدمير قرطاج و إبادة شعبها، قولته الشهيرة:
Carthago Delenda Est

و بعد حكاولنا مؤرخيهم كيفاش تدمرت قرطاج بالكامل و أحرقت منشآتها، و انت تقرى تحس فما مبالغة في الوصف و فخر و إعتزاز من قبل هالمؤرخين...عندهم الحق، بلادهم شكون يسالهم...لكن، هل حقا دُمرت قرطاج بالكامل؟ روما المعرفة بذكاء سياستها الإستعمارية و غايتها الكبيرة في التوسع في حوض البحر الأبيض المتوسط، هل باش يساعدها تدمير كل المنشآت إلّي مؤرخين كيف "بوليبيوس" إلي جاء لقرطاج أبدى إعجابه بالمعمار القرطاجي ووصفه بالعظيم. هل كلو تم تدميره؟ أو تم إعادة تهيأة ماتم تدميره لتلبّي حاجة الرومان! هنا سيدي خويا فما فرق ... بين "بَنًى" و "رَمَّم" أو "أعاد تهيئة" فما سنوات ضوئية، و ديما يُنسب البناء لمن بناه و مش لمن رممه!

طولت عليكم أصدقائي و مازال عندي منقول! هذه مجرد محاولة لقراءة السرد التاريخي من منظور آخر و تحليله بالإعتماد على المصادر (في أول تعليق)، و رغم الي مازالو أمثلة أخرى تتعارض مع فكرة أن روما هي أول من شيد قنوات المياه، كيف تعرف الي ماغون القرطاجي أب الفلاحة الي ساهم في ازدهار الفلاحة في قرطاج منذ القرن الخامس ق.م. و تنجم تفهم من أعماله الي فما أنظمة متع جلب المياه العذبة من أماكن بعيدة و أنظمة ري و إلخ...من القرن الخامس ق.م. يابوقْلب!!!، و كيف تعرف زادة الي معبد المياه "الروماني" في زغوان مثماش كيفو في روما أو مستعمراتها، و كيف تعرف الي في القرون الرابعة و الخامسة و السادسة عشر، فما إجماع من المؤرخين و صناع الخرائط إلي الحنايا هي قرطاجية أمثال:

Giacomo Gastaldi and Abraham Ortelius...

في النهاية، أحنا لكلنا يهمنا مصلحة بلادنا تونس الغالية، و صدقوني من أهم مصالحها، ننصفوا تاريخها و نورّيو فخرنا بيها أمام العالم، على هذا أنا مُصر نستخدم اللغة الأنقليزية و نحاول نوصّل رأيي في السرد التاريخي معتمد على أعمال مؤرخين عاشوا في فترات مختلفة ...و نحب النقاش و التساؤلات من قبل الأصدقاء المتابعين، لأنني كان نحكيلكم قداش تعلمت منهم ...

شكرا لكل من وسع باله ووصل للنقطة هذه من المنشور و ربي يحمي بلادنا تونس 🇹🇳❤️

فكر القومية العربية و تونس والجزائر بلاد وحدة و خاوة خاوة و امة وحدة
أصبحت على كل لسان مواطن "فرار" لكثرة تداولها على السوشيال ميديا الذين أخذوها عن سابقيهم من الفكر العروبي القومي دون فحص أو تمحيص تحوّلت إلى شبه عقيدة واستقرت في العقل الجمعي وأصبحت ريفلاكس تنطق بنفسها عل كل لسان انسان ضعيف وربما يلزمنا سنوات من حملات التوعية بخطئ هذه الفكرة حتى يتسنى لنا نزعها من الأذهان مثلها مثل الكثير من العقائد الخاطئة التي توارثتها الشعوب على مر الأجيال فتحوّلت إلى حقائق لا تقبل النقاش.
ومن العقائد الخاطئة المتوارثة ما أصبح مقدسا

تونس كانت و مازالت و باش تقعد عقدة دول شمال افريقيا خاصة و اوروبا والغرب بصفة عامة خاطر يعرفو في قرارة أنفسهم إنو البلاد هاذي تاريخها كبير و حضاراتها عريقة. برشا دول تتمنى تشوف تونس " تندثر" خاطر مستحيل يكون عندهم تاريخ كيف تاريخنا و حضارات كيما حضاراتنا. فما برشا دول تتمنى يكون عندها عرصة من عرص الموقع الأثري بقرطاج، يتمناو تكون قرطاج جات عندهم باعتبارها اول جمهورية في التاريخ و أسست كأول دولة في العالم . فما دول تتمنى يكون عندها مسرح واحد من مسارحنا اللي لتوا مازالنا محافظين عليهم كيما: مسرح قرطاج طبعا و دڨة و سبيطلة و أوذنة ( amphithéâtre) و المسرح القرطاجي بالجم اللي تنجمو تقولو مازال تقريبا كامل و فيه 3 طوابق و هو ثالث مسرح في العالم ( amphithéâtre)... فما دول تحلم يكونو عندها مواقع أثرية كيما Maktaris و Thuburbo Majus و Sufeitula و Bulla Regia و Thuga و غيرهم. فما دول تحلم يكونو عندها لوحات فسيفساء كيما اللي عندنا و اللي أغلبهم معروضين في المتحف الوطني بباردو. ثما دول تحلم يكون عندها كيف متحف باردو اللي justement فيه أكبر collection متاع لوحات فسيفساء رومانية في العالم. روما بيدها ما خلاوش فيها الرومان فسيفساء كيما اللي خلاوهم عندنا في تونس بعد ما قعدو 6 قرون كاملة. فما دول تتمنى تكون عندها في متاحفها أشهر لوحة فسيفساء في العالم اللي معروضة في المتحف الوطني بباردو و القاعة تحمل اسم اللوحة : Salle de Virgile و هي تمثل الشاعر Virgile مرفوق بملهمتيه Melpomène و Clio و هو قاعد يكتب في البيت التاسع من ديوانه الشعري L'énéïde على ورق البردي ( papyrus) فوق ركبتو و لوحة الفسيفساء هاذي كاملة و ما ناقصتها حتى قطعة من الحجر اللي يعملو بيه لوحات الفسيفساء. فما دول تتمنى تكون عندها زليزة ( قطعة جليز) وحدة من الزليز والبلاط والسيراميك اللي مزين قصور تونس و المنازل اللي يعود تاريخها لعدة قرون. فما دول تتمنى تكون عندها قبة وحدة من قبب قصور تونس اللي مزينة بنقش حديدة ( نحت على الجبس) و مزينتها الٱيات القرٱنية و إلا أشكال هندسية و إلا أنواع من الأزهار.
فما دول تتمنى يكونو الجيوش اللي خرجت من القيروان باش تفتح الأندلس تكون خرجت منها و موش من افريقية اللي عطات اسمها للقارة كاملة و لات اسمها افريقيا اللي هو اسم تونس الحالية في القرون الوسطى. فما دول تتمنى جامع عقبة يكون عندها. فما دول تتمنى القرٱن الأزرق النسخة الوحيدة في العالم تكون في متاحفها و موش في متحف رقادة في القيروان. فما دول تكون أروى القيروانية زوجة الخليفة أبي جعفر المنصور اللي شرطت عليه ما يتزوج عليها حتى مرا أخرى و كتبو شرطها في صداقها هذاكا علاش ولى يتسمى الصداق القيرواني، تتمنى تكون بنتها. فما دول تتمنى راضية الحداد و زبيدة بشير و بشيرة بن مراد و فاطمة الفهرية يكونو بناتهم و موش بنات تونس. فما دول تتمنى يكونو عندها 1300 كم من السواحل المتكونة من شواطئ رملية و صخرية و فيها خيرات ربي السبعة من حوت بأنواعو و شعاب مرجانية و نشاف و طحالب بحرية... فما دول تتمنى يكون عندها الثلاثة أنواع متاع الواحات كيما عندنا ( واحات جبلية كيما تمغزة و ميداس، واحات صحراوية كيما دوز و ڨبلي، واحات بحرية كيما جرجيس و ڨابس). فما دول تتمنى يكون عندها باب زويلة أو السقيفة الكحلة في المهدية. فما دول تتمنى يكون عندها رباط واحد كيما رباط سوسة و المنستير و كيما حصن الكراكة في حلق الوادي و برج غازي مصطفى في جربة. فما دول تتمنى يكون عندها جامع كيما جامع الزيتونة المعمور الي هو اول جامع افريقيا و عربيا وفي العالم . فما دول تتمنى يكون عندها شباك واحد من شبابك سيدي بوسعيد. فما دول تتمنى يكون عندها أزياء تقليدية كيما لبسة الحمامات و رفراف و رأس الجبل و طريزة نابل و المليك القروي و لبسة المهدية و حمام سوسة و مساكن و صفاقس حولي بوزيڨة الڨابسي و لبسة جرجيس و تطاوين و بن ڨردان و مدنين و المرساوي و الكبوس الغارق و الفوطة و البلوزة و السفساري حرير تونس و العجار و البخنوڨ... فما دول تتمنى يكون الكسكسي التونسي و البريك و صوابع فاطمة و مرقة القسطل و المرقة الحلوة و السلاطة المشوية و اللبلابي و الكفتاجي و الصحن التونسي و اللاڨمي و دڨلة نور و البسيسة بأنواعها و زيت الزيتون بأنواعو و الهريسة و كعك الورقة بالنسري متاع زغوان و كعك التمر متاع قليبية و مقروض القيروان و الهريسة الحلوة و المعاصم و المدموجة و المحكوكة و وذنين القاضي و البريكة الحلوة و كعابر اللوز و الطواجن و البجاوية و الجلجلانية و اللكلوكة الصفاقسية و عصيدة الزڨوڨو و البوفريوة و الفطاير و الفريكاسي و البمبلوني و الشرمولة بأنواعها الصفاقسية و الجربية و الجرجيسية و رمان ڨابس و تستور و لوز صفاقس و جرجيس و تفاح سبيبة و غيرو و غيرو يكونو متاعها...
فما دول تتمنى يكون عندها باب واحد من بيبان مدينة تونس و ما أدراك كيما باب سعدون و باب جديد و باب الفلة و باب سويقة و باب الخضراء و باب منارة. فما دول تتمنى عندها ولي صالح واحد من الأولياء الصالحين اللي أضرحتهم مازالت في أغلب مناطق تونس كيما سيدي محرز سلطان المدينة ( مدينة تونس) و سيدي بن عروس و سيدي البشر و سيدي بوسعيد الباجي و سيدي بوعلي و سيدي الصحبي و سيدي بولبابة و السيدة المنوبية و أم الزين الجمالية....
فما دول عندها رقعة ترابية بمئات الٱلاف بل ملايين كم مربع و ما فيهاش حاجة مالحاجات هاذم اللي سميتهم في النص هذا و ملي ما سميتهمش خاطر تاريخ تونس و حضاراتها متاع أكثر من 9 قرون قبل ميلاد المسيح و القرون الكل بعد ميلاد المسيح ما نجمش نكتبو في نص واحد.....
تونس ما يعرف قيمتها كان اللي يعرف تاريخها مليح و نفتخر و بكل تواضع إني وحدة ملي يعرفو تاريخ تونس مليح مليح و باش نبقى نقرا عليه أكثر

ليته يأخذ العبرة من أحداث قفصة سنة 1980 مثلما أخذ العبرة من احداث الخبز سنة 1984 ويربط جيدا بين تلك الاحداث التي تورط فيه "الاشقاء" لزعزعة استقرار تونس وما يحدث في جبال القصرين اليوم من عودة للعناصر الإرهابية بعد القضاء عليها ..
لقمان أبو صخر وغيره من حملة جنسيات غير تونسية ممن تم القضاء عليهم من قبل الامن التونسي داخل التراب التونسي ليسوا سوى صنيعة اجهزة استخبارات تسهل لهم مثلما تسهل للمهاجرين من جنوب الصحراء العبور إلى الأراضي التونسية.
استمرار الفوضى في تونس مصلحة لكل من يرغب في تغييبها دوليا للسطو على تاريخها وتراثها المادي واللامادي وحضورها في الأسواق السياحية والفلاحية والصناعية وغيرها ورهن قرارها السياسي..

التطبيع مع مشروع الإستطان الأجصي..
- هذا مشروع متع مخيم فني سينمائي بتمويل من المنظمة الهولندية HiVOS، بالتعاون مع جمعية تونسية من ڨابس. والهدف حسب ماقالو "تثمين الهوية الافريقية"..
السؤال الي جا لبالي من يحدد هذه الهوية؟؟
واكيد في المشروع الحالي هي الهوية الي تراها منظمة اجنبية (من اكبر الداعمين للمثلية في العالم) بما أنهم أصحاب الفظل على هذا المشروع الي بش يجمع شباب ناشطين من بلدان افريقية في تونس بش يصنعو الهوية الجديدة الي يحبو ينشروها في تونس في شكل افلام و فيديوات و اعمال فنية مختلفة.

هذا ما جنته علينا التمويلات الأجنبية للجمعيات.
#القومية_التونسية 🇹🇳